Se no ano 2008 o Museo Fernando Blanco de Lema alcanzou a simbólica cifra de 25.000 visitantes, no pasado ano 2009 seguiu a bo ritmo o número de persoas que se acercaron a coñecer “in situ” a colección. Iso si, sen contar, evidentemente, todos aqueles visitantes que poden “ver” a través da rede o Museo, no enderezo www.museofernandoblanco.org.

Durante o ano 2009 pasaron polas nosas instalacións un total de 3.476 persoas (o que supón un descenso dun 8,16% respecto das 3.785 visitas do ano 2008). Así, o número total de visitantes que pasaron polo Museo da Fundación Fernando Blanco de Lema dende a súa apertura, aló polo ano 2001, ascende a 29.110.

Evolución de visitantes

A evolución do número de visitantes e do número de visitas concertadas, ó longo dos últimos anos, aparecen reflexadas na seguinte táboa:

Visitas organizadas

A maioría dos visitantes realízanse en visitas organizadas. O coordinador do Museo Fernando Blanco e Secretario da Fundación, Darío Areas, acostuma enviar unha invitación a colexios, asociacións, etc. Estas son ben escoitadas por moitos grupos que permiten, ós grupos que así o desexen, coñecer a colección que alberga o museo cunha visita guiada polo propio Areas. No 2009, foron un total de 36 (frente ás 33 do 2008), cifra que supón un record en canto a este tipo de visitas.

Traballos de restauración

Tamén merecen salientarse os traballos de restauración e conservación que durante o ano 2009 se levaron a cabo, coa finalidade de preservar e conservar aquelas pezas do patrimonio da Fundación que, polo inexorable paso dos anos, se atopaban en precarias condicións de conservación.

Así, a empresa Esteo Técnica na Conservación e Restauración, de Cambados, acometeu durante o pasado ano a restauración dos seguintes fondos:

• Colección de 15 mapas en cartón-pedra da casa OROS, datados na primeira metade do século XX.
• 4 Óleos de antigos alumnos/as da Fundación, datados na primeira metade do século XX.

Previsións para o 2010

As actuacións previstas para o ano 2010 serán:

• Continuación dos traballos de catalogación dos fondos da Fundación, con todo o traballo que eso conleva (fotografiado de pezas, escaneado de documentación, traballos de documentación, vixiancia do estado de conservación dos fondos, correcta almacenaxe dos mesmos, etc).
• Continuación dos traballos relativos a área de difusión (visitas guiadas, posibilidade de realización de exposicións temporais, etc).
• Conservación e restauración. Está prevista a restauración dun total de 13 pezas da colección (5 bancos de madeira da Capela do Instituto da Fundación; 1 reloxio de pé; 1 reloxio de parede; 2 aparatos científicos; 2 diplomas; 1 cadro alegórico da República; 1 mapa en relevo de Oceanía).
• Traballos de adecentamento do Museo. Pintado exterior das fachadas do edificio; limpeza da pedra do exterior; substitución dos balcóns; barnizado da carpintería exterior; barnizado do cañón do ascensor; colocación dunha placa de bronce co nome do museo na de entrada do mesmo.
• Realización de exposición temporal. Está previsto que no transcurso do novo ano se realice unha nova exposición temporal, co fin de dar a coñecer a riqueza da colección, fundamentalmente centrada no conxunto da ourivería da antiga capela do Instituto.

Máis información

• www.museofernandoblanco.org.

Novas relacionadas

• Os alumnos dos Muíños, sen libros, visitan o museo Fernando Blanco.
• Máis 1.500 persoas pasaron polo Museo Fernando Blanco de Cee no verán.
• Como era a Costa no 1924?.
• A fotografía desafía a furia dos deuses.
• Cultura e Turismo asina un convenio co Museo Fernando Blanco de Lema .
• Galicia Natural e EFAMEC promocionan o Museo Fernando Blanco.
• O museo de Cee chega aos 25.000 visitantes.
• Darío Areas, coordinador do Museo Fernando Blanco e Secretario da Fundación: A Guerra da Independencia na vida de Fernando Blanco de Lema.

Fonte

• Informe achegado polo coordinador do Museo Fernando Blanco e Secretario da Fundación, Darío Areas.