Segue boa parte das parroquias ceenses sen ver a televisión. As posibles zonas de sombra que anunciaba a Consellería, nas que afirmaba estar traballando para solucionar, fanse eternas, e os veciños de parroquias como Estorde, Lobelos, Lires ou Canosa seguen sen ter cobertura.

Volve de novo o BNG de Cee a preguntar para cando o concello vai solucionar os problemas de sinal da TDT nas parroquias de. Lugares que levan dende o pasado día 19 sen televisión, o dia do apagamento. O BNG denuncia que ante esta pregunta o goberno municipal sempre responde que "estaban a piques de solucionalo". Por iso denuncian a "inoperancia do goberno".

Afirma o BNG que o concello desaproveitou diversas oportunidades para solucionar os fallos de cobertura da TDT. Por unha banda, as subvencións aos concellos para estudos de cobertura do sinal, realización de proxectos técnicos e dotación de equipamentos para o servizo de televisión dixital terrestre (Resolución do 28 de xaneiro de 2008). E por outra banda, a proposta do BNG de Cee de aplicar unha pequena parte dos Fondos estatais para o  emprego e a sustentabilidade local a dotar aos sete repetidores do concello da tecnoloxía necesaria para emitir o sinal dixital.

Máis información

Segue aberto o número de chamadas dos cidadáns recibidas nos números de información 012 e 981 572 154, demandando información, fundamentalmente, sobre a sintonización dos equipos.

• www.tdtgalicia.es.
• www.tdtnacostadamorte.co.nr.

Novas relacionadas

• Ciencia e Tecnoloxía, con Mario Rodriguez Gómez: Por fin…TDT na costa da morte, guía de como sobrevivir a ela.
• Apágase a Costa, con incidencias.
• O día A.
• Dúbidas sobre a correcta cobertura da TDT en Cee.
• Compromiso estatal ca TDT de Muxía.
• Loitando por unha televisión digna para a Costa da Morte.
• Axudas aos maiores para adquirir decodificadores de TDT.

Fonte

• Nota de prensa do BNG de Cee.