Varias son as propostas para axudar aos vítimas da catastrofe de Haiti na Costa da Morte das que nos puidemos facer eco. E dende distintas eidos, iso si cun denominador común: a Cruz Vermella.

A SD Sofán e Cruz Vermella

Fantástica a iniciativa da directiva da SD Sofán. A proposta de recadar fondos no pasado encontro ante o Porteño no Carral, foi todo un éxito. Un xeito de que o fútbol da Costa poña o seu gran de area para axudar a un pobo en verdadeiros problemas.

A recadación solidaria realizouse a través da Cruz Vermella, que se achegaron ao Carral e conseguiron 406,49 € para empregar en Haití. Ata os xogadores de ambos equipos fixeron as súas aportacións.

Campaña en Vimianzo

Tamén a Asemblea Local da Cruz Vermella de Vimianzo está traballando pola causa. Dende fai uns días e até o 30 de xaneiro, a entidade está desenvolvendo unha campaña de recollida de fondos para colaborar. Faino a través de distintos locais como bares, cafetarías, restaurantes, comercios ou institucións e servizos públicos como o Concello ou o centro de saúde hai uns petos para que as persoas que o desexar deixen alí os seus donativos.

Estes petos tamén están nas aulas co CEIP San Vicenzo, onde as nenas e nenos do colexio depositan as súas colaboracións. Nesta imaxe vemos aos compoñentes da Cruz Vermella de Vimainzo durante a última campaña de recollida de alimentos do pasado Nadal.

Novas relacionadas

• A S.D. Sofán con Haití.
• En Vimianzo comen todos:
• Carta de Laura, estudante do IES de Baio, ao Presidente da Xunta: "Que sorte ter isto dos idiomas!".
• A Costa segue sendo solidaria.
• Descobren na Costa unha enfermidade única no mundo:
• A OMIC de Vimianzo reparte bolsas reutilizables nos supermercados.

Fonte

• Nota de prensa da Cruz Vermella de Vimianzo.
• Blog da SD Sofán.