Uns 200 alumnos dos Colexio Manuela Rial e CEIP Eugenio López de Cee, están esta semana, do 25 ao 29 de xaneiro, aprendendo de seguridade vial. E o fan da man da RACC, entidade líder no ámbito da mobilidade en España con máis de 1.100.000 socios. RACC e o Concello de Cee están a presentar nos colexios da localidade o novo Programa de Educación pola Mobilidade.

A educación como solución

O obxectivo do Programa é conseguir unha mobilidade cada vez máis segura a través do ensino da educación en valores xa desde a infancia, un feito que contribúe á redución da sinistralidade e dos accidentes dos futuros condutores. Iso si, para iso a RACC propón unha serie de actividades lúdicas e divulgativas, nada de charlas teóricas aburridas.

As actividades que se realizarán van desde vídeos de divulgación sobre Seguridade Viaria ata xogos interactivos incluídos nun CD-ROM. O PEM ten un carácter interdisciplinar. Está deseñado de forma que o profesor pode achegarse á temática da seguridade viaria desde calquera das materias que se imparten normalmente.

Para conseguir un funcionamento real, e como nos indica Lucía Serantes, responsable da Fundación RACC en Galicia e Asturias, é preciso tomar estas actividades dende unha óptica integral. Isto é, tomalas dende varios puntos de vista:

• coa implicación do colexio, a contorna familiar, medios de comunicación, colectivos sociais ou forzas de seguridade na educación viaria dos nenos e nenas, que tenden a imitar os comportamentos que observan habitualmente.
• na contorna escolar, como un eixo transversal, que permite abordar as cuestións relacionadas coa mobilidade desde todas as áreas curriculares.
• como unha formación continua ao longo da vida, que debe iniciarse na familia e a escola, complementarse na autoescola e consolidarse nos cursos de condución segura.

Vemos unha escena do simulacro de seguridade vial realizado o pasado maio de 2009 en Cee.

Máis información

• www.rac.es.

Novas relacionadas

• As imaxes máis curiosas da xornada de seguridade vial en Cee.
• Reábrese o tráfico na AG-55.
• Atención, perigo, señoras vestidas de negro pola calzada.
• Ten un accidente e agóchase para non soplar.
• Aparatoso accidente dun camión de Ferroatlántica en Brens.
• Problemas en Vimianzo co coche e a neve.
• Unha muller falece e outra está grave en sendos accidentes en Carnota.
• Cee despediu a Javier Periscal.
• Unha muller e o seu bebé falecen nun accidente en Vimianzo.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Nota de prensa da RACC da man de Lucía Serantes, responsable da Fundación RACC en Galicia e Asturias.
• Fotografía de Marcos Rodríguez.