Outro dos concellos que xa ten artellado o seu entroido é o de Corcubión. Aquí traemos as bases que rexerán o concurso de disfraces e comparsas que terá lugar o sábado día 13 de febreiro á partir das 16:00 h, durante a celebración do tradicional Entroido. Por aquí imos vendo varias imaxes do entroido do ano pasado.

Bases do "Concurso de disfraces e comparsas 2010"

• 1. O concurso constará de tres modalidades: a) comparsa, b) grupo e c) individual
• 2. A inscrición realizarase na Casa do Concello de Corcubión ou por teléfono no nº 981 74 54 00. A data límite de inscrición é o 9 de febreiro ás 15:00 h.
• 3. Só se poderá presentar a unha das distintas modalidades do concurso co mesmo disfrace.
• 4. Ademais da categoría "individual", de un único integrante, os "grupos" estarán formados por un mínimo de 2 e un máximo de 9. As "comparsas" estarán formadas por un mínimo de 7 integrantes.
• 5. Todos os participantes no concurso deberán formar parte do desfile de Entroido polas rúas da vila, que partirá ás 16:00 h desde a Praza de Castelao o sábado día 13/02/10.
• 6. As comparsas deberán acompañar a súa actuación cunhas coplas das que deberán entregar copia ao xurado antes da actuación.
• 7. A orde de actuación en cada modalidade designarase mediante sorteo efectuado polo xurado. Por categorías actuará en primeiro lugar a individual, logo os grupos e finalmente as comparsas.
• 8. O xurado estará integrado por membros de distintas asociacións do Concello de Corcubión.
• 9. O xurado valorará de 1 a 10 puntos os seguintes aspectos de cada individuo, grupo ou comparsa participante: disfrace, orixinalidade, coreografía e coplas.
• 10. Establécense diversos premios para os primeiros, segundos e terceiros clasificados nas distintas categorías.

Novas relacionadas

• Corcubión celebra a homenaxe anual a un dos seus Fillos Predilectos.
• Galinus, A Película, xa na rede.
• A bitácora da semana (LXXVI): O Blog de No Intro.

Outros entroidos da Costa

• Fisterra: "Anímate a participar no entroido máis tradicional da Costa da Morte".
• Dumbría: O Entroido máis tolo é en Dumbría.
• Cabana: De 10 da mañá a 10 da noite no Martes de Carnaval de Cabana.

Fonte

• Nota de prensa do Departamento de Cultura e Deportes do Concello de Corcubión.