|
O Concello de Camariñas, a través da Concellería de Servizos Sociais, Igualdade e Saúde, está levando a cabo unha serie de obradoiros de técnicas de estudo nos centros escolares do noso concello. Con estes obradoiros preténdese dar a coñecer e/ou mellorar os métodos de estudo que os alumnos do 3º ciclo de primaria deben ter de cara a crear hábitos na súa labor educativa. Os temas que se traballan van dende os factores que inflúen no estudo, pasando polos métodos de estudo, enfocando o esforzo na mellora da velocidade e comprensión lectora, o subliñado, a esquematización, a sintetización... ferramentas básicas para un estudio eficaz. Obradoiros As activiadades máis interesantes son os obradoiros, que se dividen do seguinte xeito: - “Obradoiros de mellora da lectura” para os alumnos de 5º de primaria estanse realizando no CEIP O Areal de Camariñas os días 19 e 26 de Xaneiro e 2 e 9 de febreiro .No CEIP de Ponte do Porto (que vemos na foto) terán lugar os días 11 e 25 de febreiro e 4 e 11 de marzo. Cun total de 42 rapaces e rapazas.
- “Obradoiro de subliñado, esquemas e resumo” para alumnos de 6º de primaria dos dous centros.
Estes empezaron o día 18 de xaneiro no CEIP de Camariñas e seguirán os días 8, 22 e 1 de marzo. Cun total de 28 participantes en Camariñas e 21 na Ponte do Porto . Neste centro celebrarase os días 18, 22 e 25 de febreiro e 1 de marzo. Así mesmo no IES Ponte do Porto, estase a colaborar na materia de proxecto interdisciplinar do alumnado de 1º da ESO. A Educadora do concello xunto co profesor deste campo están fomentando o afianzamento da busca de información, subliñado, resumo, esquema e presentación dun traballo. Novas relacionadas Fonte <- Nota de prensa da Concelleira de Servizos Sociais, Igualdade e Saúde, do Concello de Camariñas, Mª Carmen Linares Chica.
- Fotografía extraída do Blog do CEIP da Ponte do Porto.
|
Semente RSS