Un home resultou ferido leve logo de sufrir un accidente de tráfico na tarde de onte, mércores 3 de febreiro de 2010, na estrada AC-430 que une Ponteceso e Baio, na zona de O Balado, no termo municipal de Cabana de Bergantiños.

O suceso acontecía sobre as 16:45h e nel víronse implicados tres vehículos. Segundo puidemos saber, unha furgoneta dunha empresa de reparto que ía en dirección Ponteceso dispúñase a xirar á esquerda, cara o camiño do campo de fútbol, cando un Peugeot 306 que circulaba en direción Laxe embestiuna. O terceiro vehículo afectado foi un Renault que ía tamén cara a Laxe e colisionou  contra a parte traseira do outro turismo.

Ata o lugar dos feitos desprazáronse efectivos da Garda Civil, Policía Local e Protección Civil de Cabana, así como unha ambulancia. Afortunadamente só houbo que lamentar un ferido leve, o ocupante do Peugeot 306, que sangraba por unha perna e presentaba fortes dores no pescozo, polo que foi trasladado polos servizos sanitarios ao PAC de Ponteceso. O tráfico entre Ponteceso e Baio ou Laxe tivo que ser desviado durante dúas horas pola parroquia de Cesullas.

Novas relacionadas

• Atención, perigo, señoras vestidas de negro pola calzada.
• Ten un accidente e agóchase para non soplar.
• Aparatoso accidente dun camión de Ferroatlántica en Brens.
• Da neve ao ciclón.
• Problemas en Vimianzo co coche e a neve.
• Unha muller falece e outra está grave en sendos accidentes en Carnota.
• Cee despediu a Javier Periscal.
• Morre na estrada o Presidente dos Empresarios de Cee.
• O neto da anciana desaparecida de Laxe recoñece a súa implicación na morte.
• Unha muller e o seu bebé falecen nun accidente en Vimianzo.
• Novo accidente de tráfico no cruce de Senande.
• Mes e medio pagando por unha autopista cortada.

Fonte

• Redacción de Fran Lago para QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Luís Rivera, Policía Local de Cabana.
• Protección Civil de Cabana de Bergantiños.