As propostas para o entroido na Costa da Morte son ben variadas. Para este entroido hai varias propostas interesantes, como a que nos ofrece o Restaurante Insua de Cee. Alí celebran un ano máis a súa popular Laconada de Entroido. Como ven sendo habitual, para este acontecemento botouse man das receitas máis tradicionais e recurridas da cociña galega; esas receitas que se veñen degustando dende hai xa moitos anos da man das nosas avoas e que foron coidadosamente seleccionadas polas cociñeiras do Insua.

O menú deste ano fará as delicias dos máis larpeiros e larpeiras cunha laconada composta de grelos, orella, cacheira e chourizos. De postre serviranse orellas e filloas, café e chupitos. Como non podía ser doutro xeito, non faltará o viño tan propio destas datas e acompañante imprescindible calquer boa laconada galega que se precie.

A xa enraizada cita gastronómica terá lugar este ano do 12 ao 21 de febreiro e o prezo será de 18,00 € por persoa. Información e reservas: Este enderezo de correo-e está protexido contra spam bots, necesitas ter o Javascript activado para podelo ver ou no 981 74 75 75.

Namórate na Costa da Morte

Outra proposta, esta xa para concretamente a fin de semana de entroido enfocado ao Día dos Namorados. Dende a Central de Reservas da APTCM ofrécese unha fin de semana inesquecible, co que sorprender á túa parella nunha contorna deses que si namoran. Habitación exquisitamente decorada, cava e froitas, a mellor gastronomía e unha ampla carta de masaxes... Todo o para namorar definitivamente.

O venres recibiranche con cesta de froitas e cava na habitación. O sábado inclúe almorzo, Carta de masaxes (chocolaterapia ou hidrojet) e unha Cea romántica con Ameixas mariñeiras, Vieiras, Arroz con bogavante, Sobremesa, café, chupito e albariño. Con entrada incluida para para a discoteca Zona Cero. O domingo hai almorzo e visita ao Mercado de Cee.

Todo por 115,00 € por persoa. Podes reservar xa no 981 74 75 75 ou Este enderezo de correo-e está protexido contra spam bots, necesitas ter o Javascript activado para podelo ver .

Máis información

• www.todocostadamorte.com.

Novas relacionadas

• O Porco Celta de Corcubión é un Larpeiro.
• APTCM presenta na Fitur a Central de Reservas.

Outros entroidos da Costa

Malpica: Un antroido moi doce en Malpica.
• Muxía: Muxía celebra un Antroido a base de Pinchos.
• Cerqueda: Cerqueda tamén ten o seu entroido de "madamitos e ghuardineros".
• O Pindo: Hollywood toma o entroido do Pindo.
• Fisterra: "Anímate a participar no entroido máis tradicional da Costa da Morte".
• Cee: Cee prepara o seu Entroido sabatino.
• Dumbría: O Entroido máis tolo é en Dumbría.
• Laxe: Caietano volve ao entroido popular de Laxe.
• Cabana: De 10 da mañá a 10 da noite no Martes de Carnaval de Cabana.
• Corcubión: Corcubión prepara o seu Entroido.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).