|
Volve o PSOE pontecesán a lembrar a necesidade de preparar o contorno da Fervenza da Brixería. De feito, a problemática xa chegou ó Parlamento de Galicia. O Grupo Socialista no Parlamento Galego agarda que sexa a Xunta a que teña sensibilidade polas nosas necesidades de emprego e promoción turística, unha sensibilidade da que, segundo o grupo opositor, carece o Goberno local de Ponteceso. O Grupo Parlamentario Socialista, acodíu ao Parlamente unha vez que as súas mocións locais para a recuperación do entorno foran desestimadas polo goberno municipal. A idea é que "o Parlamento insta á Xunta de Galicia a acometer a rehabilitación do contorno natural da fervenza de Brixería-Cerezo, no concello de Ponteceso, dos seus accesos e dos espacios que faciliten a súa contemplación e disfrute, e a súa promoción como valor turístico”. Accesos imposibles Esta espectacular fervenza é imposible observala, pese a atoparse a unha decena de metros da estrada que une Ponteceso con Corme, porque non hai nin un só sinal, ningún folleto, ningunha iniciativa que promocione o inmenso patrimonio natural e turístico que o municipio de Ponteceso ten. Preto da fervenza de Brixería estase a desenvolver un proxecto hoteleiro de primeira categoría que inclúe a rehabilitación de vellos inmobles e unha oferta hostaleira e gastronómica para clientes de alto poder adquisitivo. Convivindo con este proxecto, no seu contorno, fica a fervenza de Brixería abandonada e illada entre camiños impracticables e agochada dos ollos dos que buscan a natureza como alternativa o turismo de masas e de mochila. Paraxe espectacular “A fervenza de Brixería é un espectáculo natural dunha beleza extraordinaria que se atopa a menos de dous quilómetros do centro urbán de Ponteceso. Este espectacular patrimonio natural está inmerso nun espacio que comprende as marismas do Anllóns, o sistema dunar de Monte Branco e a desembocadura do Anllóns. Próximos están as costas farturentas do Roncudo, as míticas Illas Sisargas ou o santuario de San Hadrián do mar que fixo fuxir as serpes que asolagaban as terras de Bergantiños, avogoso para curar as verrugas e para os males da alma e do espírito pero, e sobre todo, para os ollos que miran mais aló de onde morre o sol. Por si non fose suficiente, todo iso forma parte dunha vila asociada a nosa cultura e as nosas sinais de identidade por canto nela naceu Eduardo Pondal e, moi preto, fican as pegadas das tribos que habitaron na Cibdá de Borneiro ou no Castro de Dombate. Estamos a falar dun entorno mítico enclavado nun lugar mítico: a Costa da Morte". Máis información Novas relacionadas O PSOE de Ponteceso segue pedindo a recuperación da fervenza da Brixería. O PSdG de Ponteceso reivindica a fervenza da Brixería-Cerezo. O PSOE pontecesán volve a carga contra o alcalde. Fonte
|
Semente RSS