|
Temos novo líder na categoría, o Dumbría B. Quen no lo ía dicir vendo a traxectoria que levaba o Buño. Os de César Ferrío golearon ao Coristanco e aproveitaron a derrota no desconto dos de Pablo para colocarse líderes.
A derrota do Buño foi perante outro dos gallitos da categoría, o Clube do Mar. Segundo me contaron, foi un partido vibrante e moi intenso, que se resolveu no desconto cun gol do ex dianteiro do Soneira Tonecho. Con esta vitoria colocanse os de Caión a tan só 1 punto do Corcubión, que nesta xornada vencía por tres goles a un o filial muradán. E xa o dixen a semana pasada, é de eloxiar a traxectoria dos de Senra, con traballo e sobre todo con moito oficio sobre o campo auparonse a postos de ascenso e ademais sen facer moito ruído. Seica agora xa podemos dicir con firmeza que entre os 4 primeiros son os que van loitar polo ascenso. Tamén anda por aí o Mazaricos, que este domingo vencía a domicilio en Outes, pero aínda está a 10 puntos do ascenso e teno moi difícil vendo a regularidade dos de arriba. Este Mazaricos aseméllase probablemente ao que quería Raúl Periscal dende o inico de tempada pero non puido ser e a reacción chega un pouco tarde. Outro ano será. Ata fai ben pouco o Cabana era un serio aspirante ó ascenso. Ademais estivo en postos de ascenso durante varias xornadas, pero varios pinchazos en partidos, a priori, fáciles para eles, deixaron puntos atrás que pecharon as súas posibilidades. Pero este ano vaille valer como experencia para próximas tempadas, e de seguro que chegrán moitos éxitos. A semana pasada comentaba o desánimo que vin no plantel do Muxía. E vendo o resultado desta semana e máis evidente, s ecabe. Fáiseme raro ver que o Muxía perda na casa, co que tamén hai que darlle o seu mérito ao Alcaián, que tamén do seu campo fai un fortín.
Tamén se fai raro ver ó Corcoesto con tan poucos puntos. O normal para eles sería a estas alturas da competición ter sobre 30 puntos, pero algo debeu pasar esta tempada que non está a ser o Corcoesto doutros anos. Sen ir máis lonxe, este domingo caía fronte o Nantón, que terá que esperar outro ano para loitar polo ascenso. Por último, cómpre comentar a vitoria do Cerqueda nun partido sen historia. Os de Carlos non fixeron o seu mellor partido pero as facilidades que dan os xogadores do filial pontecesán, sobre todo no aspecto físico, permitíronlle levarse os tres puntos do Pinguel aos de Cerqueda. - Alberto Pose (albertopose[arroba]quepasanacosta.com).
Crónicas de Alberto Pose Novas relacionadas
|
Semente RSS