Vai de accidentes a cousa nas últimas horas. Se o mércores eran as estradas de Cabana as que rexistraban un violento choque aínda que sen grandes danos persoais, na tarde deste xoves producíuse un accidente en Carnota, pero desta volta si con importantes consecuencias.

Dous vehículos colisionaron frontalmente este xoves, 4 de febreiro de 2010, no punto quilométrico 26,6 da estrada AC-550 que une Cee e Riveira, no termo municipal de Carnota. O suceso aconteceu minutos antes das 17:00h nunha curva, preto da estación de servizo de Maceiras, cando un Volkswagen Golf con matrícula 7525CGW chocaba frontalmente contra un Peugeot 407 con placas 7704GDS. Nos vehículos viaxaban únicamente os condutores pero non correron a mesma sorte. O ocupante do Golf con iniciais J.M.L.D. e natural de Carnota, resultou ferido grave e foi trasladado polos servizos médicos ao Hospital Virxe da Xunqueira de Cee. O condutor do outro turismo con iniciais R.L.C. e natural de O Ézaro, só resultou ferido leve e foi atendido no lugar do suceso.

Nova desgraza nas estradas da Costa e de novo en Carnota, onde nos últimos tempos non teñen parada as novas de accidentes que chegan dende esa zona, algo que podería desembocar na necesidade dunha reflexión sobre os porqués. 

Novas relacionadas

• Un ferido leve nun accidente en Cabana.
• Ten un accidente en Carnota agóchase para non soplar.
• Aparatoso accidente dun camión de Ferroatlántica en Brens.
• Unha muller falece e outra está grave en sendos accidentes en Carnota.
• Cee despediu a Javier Periscal.
• Morre na estrada o Presidente dos Empresarios de Cee.
• O neto da anciana desaparecida de Laxe recoñece a súa implicación na morte.
• Unha muller e o seu bebé falecen nun accidente en Vimianzo.
• Novo accidente de tráfico no cruce de Senande.
• Mes e medio pagando por unha autopista cortada.
• Atención, perigo, señoras vestidas de negro pola calzada.

Fonte

• Redacción de Fran Lago para QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Policía Local de Carnota.