|
A comezos de semana o BNG levaba ao Congreso dos Deputados unha iniciativa para pedir o abaratamento no parque emrpesarial de Cee que está case rematado e só pendente da inauguración. Onte, o voceiro do partido no Congreso, Francisco Jorquera, daba unha rolda de prensa en Vimianzo, na que informaba das novas iniciativas que o BNG está a realizar para reactivar o parque empresarial vimiancés. Agotadas xa case as esperanzas dalgún movemento por parte da Xunta, o BNG "esixe ao Goberno Central, como accionista maioritario da promotora do parque, que interveña”. A proposición non de lei levada por Jorquera pide "“abaratar o prezo das parcelas e a instrumentar medidas de axuda para promover a instalación de empresas no parque empresarial de Vimianzo”. Un prezo desorbitado para a comarca Francisco Jorquera denunciou que o prezo ao que ofertou a SEA as parcelas do polígono de Vimianzo, a unha media de 90 euros o metro cadrado, “é totalmente desorbitado e non está ao alcance dos empresarios da Costa da Morte”. Isto fixo que o concurso para a venda das parcelas fose declarado deserto polo Consello de Administración da SEA celebrado o 9 de marzo de 2009. “Deste xeito, e a pesar da evidente demanda de solo industrial e da necesidade de implantación de empresas para dinamizar a economía da comarca, a día de hoxe o parque empresarial, finalizado hai máis dun ano, permanece deserto e mesmo os seus equipamentos estanse deteriorando”, denunciou o deputado do BNG. Propiedade do Goberno central O deputado do BNG lembrou que o parque empresarial de Vimianzo foi promovido pola sociedade Suelo Empresarial del Atlántico (SEA), na que o accionista maioritario é o Goberno Central, a través da SEPI, co 85% das accións, mentres que o 15% restante correspóndelle á Xunta de Galiza, a través do Instituto Galego de Vivenda e Solo (IGVS). En concreto, o deputado do BNG considera necesario que o Goberno Central “que é o accionista maioritario da promotora do parque, a SEA, aclare tamén a súa postura ante unha demanda, a de que se rebaixa o prezo da parcelas, que é razoábel, xustificada e necesaria para favorecer o desenvolvemento económico da Costa da Morte”. "Ausencia" do PP “Do Goberno do PP xa comprobamos que incumpre as súas promesas coa Costa da Morte, pero o Goberno Central tamén ten responsabilidade”, afirmaba Jorquera. Mentres, en clave local, Antelo, voceiro local, enviaba un recado a Carmen Borbujo, voceira do PP vimaincés: “A portavoz municipal do PP, Sra. Borbujo, enganou aos empresarios e á veciñanza de Vimianzo". Antelo asegura que durante as eleccións a voceira do PP prometía aos empresarios rebaixar o prezo a 35€ por metro cadrado. Novas relacionadas Fonte - Nota de prensa do Gabinete de Prensa do BNG.
|
Semente RSS