|
Podíamos saber onte que o o BNG corcubionés denunciaba que o Centro de Día tardará 2 anos. Un BNG que acusaba ao goberno local de "falta de vontade política" para levar a cabo un proxecto que partira da oposición. Non sentaron ben estas palabras no seo do goberno local, e o alcalde corcubionés Francisco Lema, Chisco, quen non entende que o BNG "faga súas as iniciativas e posta en marcha de distintos proxectos no municipio". Ademais o rexedor non se explica as acusacións de "política caciquil" que entonaba onte Oscar Insua, voceiro do BNG, cando está retirada a xunta de goberno local e cando o seu partido "sempre practicou clientelismo e orientación caciquil". Pero para o alcalde, "a realidade e a verdade só ten un camiño: os feitos". E, para el, "a realidade é que Corcubión comenza a avanzar, encamiña un futuro e os nacionalistas asústanse". Chisco pon exemplos como os traballos na rede de saneamento, e pregúntase por que "as casas do casco histórico están sen conexión a EDAR, e pagando", e non fixeron nada por remedialo en tantos anos de goberno. Ademais, e volvendo a Centro de Día, Chisco apunta tamén que "tiveron 9 meses para iniciar un centro de día (cunha Consellería na que tiñan a Quintana) é non deron nin un paso, nin siquera reactivaron a Fundación Riestra, a coñecida como Fundación Emilio Alonso que é a de Asilo de Ancianos Pobres de Corcubión que agora se está reactivada, titular dos edificios que agora se están rehabilitando grazas a subvención da Deputación da Coruña e nun futuro próximo co fondo estatal". Marcha o rexedor corcubionés sinalando cara a praia: "¡Espero que nun futuro próximo non sean os abanderados de que a rexeneración da praia tamen a fixeron eles!". Novas relacionadas
Fonte - Nota de prensa PSdG de Corcubión.
|
Semente RSS