|
A produtora Filmax vai aproveitar a saída da nova película Precious, da que din a reveleación do ano, para estrear o trailer de The Way. The Way é unha película de Emili Estévez sobre o Camiño, e na que a Costa forma parte tanto do escenario como da historia. O estreo será hoxe venres 5 de febreiro. Bueno, ese será o estreo enlugares como A Coruña, pero, por suposto, non na Costa, que teremos que agardar unhas semanas para ver a revelación do ano. Nin os cines de Carballo nin os de Cee estrean hoxe o filme. O trailer supón as primeiras imaxes da película que Estevez rodou ao longo do Camiño durante os meses de setembro, outubro e novembro pasados. Por aquí estiveron pola zona da Virxe da Barca. The Way The Way narra a historia de Tom Avery (Martin Sheen) é un reputado oftalmólogo que vive en California. Un día recibe unha chamada desde Francia na que se lle comunica que o seu fillo Daniel (Emilio Estevez) faleceu nun temporal nos Pireneos. A pesar de que a relación con el nunca foi moi boa por ter unha visión oposta da vida, Tom está abatido e viaxa a Francia para recuperar ao seu fillo. Alí descobre que Daniel comezaba a facer o Camiño de Santiago e decide facelo por el. A última oportunidade dun pai para coñecer ao seu fillo converterase a en a primeira oportunidade para empezar unha nova vida. The Way está producida por Xullo Fernández para Filmax en colaboración con Elixir Films, conta co patrocinio do Xacobeo 2010 Galicia e a participación de TVG e a Xunta de Galicia. Novas relacionadas Máis novas sobre audivisual Fonte
|
Semente RSS