|
A pasada semana, o voceiro do BNG de Corcubión, Oscar Insua, saía á voz pública para denunciar o que entendía por falta de compromiso do alcalde para co Centro de Día. O alcalde quixo responder tamén a través dos medios, afirmando que o BNG está asustado porque Corcubión segue avanzando. Hoxe, as críticas ao voceiro do BNG chegan do PP corcubionés, que entende que Insua "antepón os seus intereses partidistas aos intereses xerais de Corcubión". A disputa tivo lugar pola decisión de non dedicar os novos fondos do FEIL ao Centro de Día, pero a xuizo da voceira do PP, Gema Freire, devanditos fondos están mellor empregados no "comedor escolar, a reforma e ampliación do alumado de Quenxe e Oliveira e a adecuación da rúa paralela a Rafael Juan", demandas, que segundo Freire, "responden mellor ás demandas dos veciños. Un albergue no canto dun Centro de Día Vai máis alá Freire, e acusa a Insua de " mentir e intentar enturbar as decisións políticas que se toman no Pleno Municipal". Freire indicou que non votou para que a partida se destinase ao Centro de Día porque "os populares non están de acordo nin co proxecto, pisos tutelados, nin coa localización, na Fundación Riestra". A edil popular considera que "o mellor para os veciños de Corcubión sería construír un centro con residencia e non, tal e como expuxo o equipo de goberno, uns pisos tutelados". Para Freire, este non é o proxecto idóneo, xa que desta forma "os nosos maiores estarían encerrados en catro paredes a maior parte do día". A representante popular expón a creación dun centro de día que inclúa, ademais, zonas de esparexemento para os maiores, polo que descarta a localización actual e que se destine, polo tanto, as instalacións da Fundación Ristra a outros usos como: dependencias municipais, tanatorio ou albergue xuvenil. Novas relacionadas Fonte - Nota de prensa do PP de Corcubión.
|
Semente RSS