Estivo esta xornada marcada polo derbi entre Soneira e Dumbría. Pero o empate, malia que o encontro foi bastante bonito, deixou bo sabor de boca en mabos conxuntos que seguen de cheo na loita. Un pouco máis, se cadra, o Soneira, que se alza ademais á 2ª praza da táboa tralo tropezo do Arteixo.

Pero o que pega o salto é o Ponteceso, que tras 3 vitorias seguidas ascende ata a 13ª posición, pasando mesmo ao Cee, que queda en serios problemas, de 14º, con 22 puntos, 1 menos que o Ponteceso, e empatado cos de abaixo.

1ª Autonómica, xornada 22

Soneira - Dumbría (0-0)

• Soneira: Fran, Ferreiro, Fran de Urroa, Vecino, Pablo (Taibo, min.65), Miguel, Javi, Victor García, Kike (Mario Toja, min.85), Michel (Darío, min.65), Vituco (Vía Rápida, min.85).
• Dumbría: Purrúa, Iván Pequeño, Suso, Nico, Rubén, Aarón, Iago, Taski (Piri, min.70), Llanero, Luis, Adrián (Angeliño, min.70).
• Expulsión: Luis, min.83.

Gran derbi entre dous aspirantes ao ascenso esta campaña. Moito respeto entre ambos bandos polo que ningún dos dous equipos arriscaron. Pero malia quedar sen goles, o encontro foi bonito, vibrante e intenso, e non careu o gol por falta de puntería máis que falta de ocasións. A primeira metade estivo moi igualada cun Soneira que trataba de baixar o balón e rasealo. Kike e Vituco tiveron o casións para abrir o marcador, pero Purrúa estivo mellor.

Cambiaron as tornas na segunda, e o Dumbría estirouse algo máis mentres que o Soneira aguantaba máis a posición. Foi Adrián o protagonista desta segunda con dúas internadas que salvou Fran tapando a meta local co corpo. O dumbría chegaba máis e o Soneira tan só facía dano a balón parado.

De feito, os últimos minutos foron de asedio local, que colgou varios balóns que puideron romper a xusta igualada. Iso si, nunha desas, xa no desconto, unha falta de Iago era repelida polo pao e Llanero a piques estivo de metela para dentro.

Esclavitude - Ponteceso (1-3)

• Ponteceso: Barca, Dani Pallas, Roberto Ríos, Carlos Mato, Fabián, Luisete (Torrado, min.46), Bolón (Toniño, min.80), Mendieta, Pablo Vázquez, Rubén Rama (Josito, min.75), Alfredo (Tucho, min.46).
• Gol: 1-0, min.8: 1-1, min.20: Mendieta nun centro chut e tocar nun defensa; 1-2, min.57: Bolón tras un rexeite a un tiro de Rubén Rama; 1.3, min.84: Roberto Ríos tras unha xogada de Toniño por banda.

Sobe o Ponteceso como a escuma. 3 vitoria seguidas sácao do pozo e xa pasa ata ao Cee e se coloca 6º por abaixo. Os de Esteban Varela e Mato puxeron o mono de traballo no areoso campo de Esclavitude, e superaron ao pechacancelas, non sin brega.

Partido de batalla, que ademais comezaba costa arriba tras un erro de comunicación entre Barca e a defensa que deixaba só a un dianteiro local para facer o 1-0. Non tardou Mendieta en conseguiro empate, e a partir de aí o Ponteceso sentiuse moito máis cómodo sobre o terreo de xogo.

Tiraba algún que outro balón longo o conxunto local, pero a defensa estaba ben seria. Na segunda, o Ponteceso foi superior e Bolón e Roberto Ríos, tras un xogadón de Toniño, sentenciaron o encontro. Un encontro que no que voltaba ademais Miguel Torrado, que volve aos terreos logo dunhas pequenas vacacións de fútbol.

Cee - Imperator (1-2)

• Cee: Mingos, Fiuza, Leis, Jacobo, Berto, Rafa, Rivi, Miguel Riveiro, Chapu, Leo, Javi Rañal.
• Gol: 1-0, min.20: Chapu; 1-1, min.80: tras un rexeite; 1-2, min.85.
• Expulsión: Jacobo (min.25) e Miguel Riveiro (min.85)

Foi gañando dutante máis dunha hora o equipo de Pato, que veu como nos últimos minutos se lle escapaba o premio. E iso que quedaba con 10 pouco despois de que Chapu (que vemosna imaxe da ida)adiantara aos seus. Jacobo foi expulsado e Pato tivo que restruturar o equipo. Aguantou o Cee, sufrindo e peleando, e non deixaba chegar con claridade aos coruñeses. Tampouco saían os ceenses demasiado á contra,

Todo semellaba que ía quedar así, cando un ablón arriba, varios rexeites na área, un balón solto e unha punteira facía o empate. Con cara de tontos quedaron os ceenses, e máis cando 5 minutos despois de novo o Imperátor metía o segundo en posible fóra de xogo posicional doutro dianteiro coruñés. Nas protestas, Miguel Riveiro tamén foi expulsado.

O equipo queda tocado tras esta dura derrota, que o deixa 5º por abaixo na táboa e em zona de serio perigo. Pero segue sendo unha piña o clube ceense, non se pensa en cambio ningún, e entre todos seguirán remando para sacar ao equipo dos problemas.

Novas relacionadas

• Resultados da fin de semana que decide as ligas xuvenís.
• Crónicas dos partidos claves da derradeira xornada Liga Xuvenil: O Cee leva o premio.
• Derrota e triple expulsión para o FS Fisterra.

Máis información

• Clasificacións, resultados, goleadores, e calendarios das Ligas da Costa, Veteranos, Cadetes, Xuvenís e Ligas Escolares.

Fonte

• Redacción de Deportes de QPC ( Este enderezo de correo-e está protexido contra spam bots, necesitas ter o Javascript activado para podelo ver )
• Fotografia do Soneira - Dumbría do Depor Sport.
• Fotografía do Imperátor - Cee do UNión Clube Cee.