Como xa vén sendo habitual e coa intención de que «os maiores» de todos os lugares e parroquias de Cabana de Bergantiños poidan gozar dun día de alegría, diversión e encontro con familiares, veciños e amigos, o concello de Cabana programou a tradicional Xuntanza da Terceira Idade para o 21 de febreiro, domingo de Piñata, no Pavillón Polideportivo Municipal. 

Os actos previstos para este día na que se cumpre a súa XII edición son: celebración da santa misa, invitación a xantar e diversas actividades recreativas. 

Inscrición e servizo de autobuses

Por motivos de organización, todas aquelas persoas maiores que queiran participar no evento deberán retirar a invitación na Casa do Concello antes do día 18  de febreiro. 

Para poder desprazarse ata o Pavillón, o Concello porá a disposición dos asistentes un servizo gratuíto de autobuses o cal se poderá coller nas tradicionais paradas escolares que hai en cada parroquia. 

Novas relacionadas

• 30 cabaneses disfrutan dunha saída termal.
• Cabana cociña.
• O SNL de Cabana abre o prazo para o curso Celga de Galego.
• Suso de Basilio, as novas tecnoloxías ao servizo dos nosos maiores.
• De 10 da mañá a 10 da noite no Martes de Carnaval de Cabana.

Fonte

• Nota de prensa do Departamento de Servizos Sociais do Concello de Cabana.