Remontámonos a setembro de 2008, cando o pleno malpicán aprobaba o Anteproxecto Colectores Xerais e EDAR de Malpica de Bergantiños. Pero dende aquela foi imposible comezar a creación da estación depuradora na vila malpicá. Os desacordos entre Portos de Galicia, a Consellería de Medio Ambiente e Augas de Galicia impiden a obra.

Os terreos, de Portos, deben ser cedidos para que Augas de Galicia poida proceder a construir a EDAR que depuraría as augas da vila malpicá. É Portos de Galicia, segundo o PSdG, quen ten a pelota no seu tellado, porque segundo informan, non emitiu resposta algunha dende aquela. Augas ameaza pola outra banda por desestimar o proxecto se non recibe os terreos en breve.

Esta semana, e logo de 2 anos sen preguntas, é o Partido Socialista de Galicia o que leva á Mesa do Parlamento Galego unha pregunta. O PSdG pregúntalle ao Goberno da Xunta, polas razóns técnicas, xurídicas, económicas, políticas que impiden a Portos de Galicia poñer a disposición do Concello de Malpica os terreos necesarios para, á súa vez, cedelos a Augas e proceder a construir á EDAR.

Ademais, o PSdG pregúnatlle a Augas que faría no caso de que Portos non aporte os terreos.

Entrementres, o mar de Malpica segue recibindo os xurros urbanos da vila de malpica, sen ningún tipo de tratamento.

Novas relacionadas

• Un antroido moi doce en Malpica.
• Protestas en Malpica sobre o reparto das subvencións ó tecido asociativo.
• Quen son os responsables da contaminación da ría de Corcubión?.

Fonte

• Nota de prensa do PSdG da comarca.