Grande fin de semana para o Clube Marítimo Carrumeiro. O deportista corcubionés Ignacio Coronilla Jiménez acadaba o seu primeiro trofeo como "3º clasificado" na clase optimist na categoría "C" de menos de 10 anos. Foi unha épica a conseguida polo cativo corcubionés, xa que se trataba da primeira regata á que asistía en competición.

Unha xornada incrible e asombrosa, con moito sufrimento polos constantes cambios na intensidade do vento, corrente, protestas, descartes e retiradas, ao termino da regata clasificatoria "Caixa Galicia do Club Náutico de Ribeira". Iñaki colocábase no 3º posto da clasificación para sorpresa do resto do equipo que asistiu á regata.< O equipo estaba composto por Francisco Canosa, Manuel Marcote, Marcela Corbelle, Cristina Fernández e Iñaki Coronilla, o máis novo do equipo.

Como detalles, que simplemente aumentan a épica do cativo, sinalar que as probas ribeirense celebradas os días 6 e 7 de Febreiro tiveron condicións meteorolóxicas moi cambiantes pasando do adiamento por pouco vento á retirada dos deportistas da categoría "C" por superarse os 15 nós de vento.

Novas relacionadas

• O Carrumeiro navega no xeo.
• O Carrumeiro volve ao mar.
• O Clube Marítimo Carrumeiro forma e compite.
• Preparando un circuito de piragüismo en Dumbría.
• A Deputación aposta polo deporte náutico na Costa.
• Estudiando o mar na Escola.
• A bitácora da semana (XLVIII): O Taboleiro do Clube Marítimo Carrumeiro.

Fonte

• Nota de prensa do Club Marítimo Carrumeiro.