|
A de posibilidades que ten a Costa da Morte. Nin ps que vivimos aquí nos deactamos de todo o que se pode chegar a facer no noso territorio, tan natural e virxe que dá pé a facer case todo. Hoxe, da man de Ruben Suárez Carballo, bombeiro no Parque comarcal de Cee, facemos unha visita a un espazo que ben podería formar parte dos nosos recunchos. Pero imos de aventura ademais que de visita. Rubén é un rande amante do alpinismo e os deportes de riso e ata ten publicada unha guía que se titula "40 aventuras al final del camino", que recolle todalas actividades de aventura que se poden facer desde Santiago até Fisterra. 
As imaxes falan por si soas, e podemos ver como tanto Rubén como o camariñán Arturo Pasantes o pasan en grande baixando polas ladeiras do monte de Ameixenda. Ademais, cómpre destacar as vistas, xa que aló en fronte temos de cara a silueta do Promontorio Nerium, todo un símbolo da Costa. Barranquismo
O mesmo Rubén explícanos un pouco en que consite este deporte de aventura. O "Barranquismo ou descenso de canóns" consiste en percorrer aqueles leitos que a acción da auga foi formando o longo do tempo. É prácticamente a mesma actividade que se desenvolve no interior dunha cova. Pódese dicir que é facer espeleoloxía a ceo aberto, pois as técnicas de progresión son as mesmas. O Estreo
Destacan ambos intrépidos bombeiros que este barranco non o descendera ninguén coñecido. "Técnicamente non é nada complicado pero moi pracenteiro, con pequenas fervenzas que varían entre os cinco e dez metros", comenta Rubén. A aventura segue e "entras nunha zona de vellos muiños, algún restaurado pero abandoado a maleza". Antes de chegar a aldea da Ameixenda o río entra nunha zona bosquexa moi fermosa e tupida, dando a sensación de moverse por unha selva. 
Datos Técnicos - Época: Só digno de facer en datas de moita choiva. É un barranco que necesita moita auga.
- Desnivel: Uns 200 m.
- Dificultade: Fácil, agás a segunda fervenza co rio desbordado con posibilidade de forte rebufo ou atrapamento nunha fenda.
- Material: Corda de 40 m. Equipo completo de neopreno. Casco, arnés, descensor, mosquetóns de seguridade, equipo mínimo de autorrescate, soga de ancoraxe e bidón estanco para calquera tipo de material que non deba mollarse. Por suposto calzado apropiado.
- Horario: 2 horas para un grupo experimentado de tres ou catro persoas.
- Acceso: 20 minutos aproximación desde o merendeiro da Ameixenda (non é preciso dous coches), carretera de Cee o Ézaro. Seguir unha pista forestal até que demos con un camiño a marxe dereita da pista antes de que ésta comence a descender cara a Ameixenda. Este camiño deixaranos xusto na cabeceira do barranco moi visible durante a aproximación.
Máis información Novas relacionadas Fonte - Información e fotos de Rubén Suárez Carballo.
|
Semente RSS