Así o anunciaba onte o voceiro do PP de Camariñas, Daniel Rego, tras manter unha reunión coa Directora Xeral de Comercio, María Nava Castro Domínguez: A Xunta concederá unha subvención por valor de 50.000 euros para a XX Mostra do Encaixe de Camariñas. Neste senso, Rego encomia a disposición da Directora Xeral de colaborar en todo momento co evento e de darlle así un pulo importante á Mostra.  

Este feito, para Rego, demostra o "compromiso do Goberno Autonómico coa comarca". A Mostra do Encaixe, certame comercial e cultural de ámbito internacional e declarado de Interese Turístico de Galicia, terá lugar en Semana Santa, do 31 de marzo ó 4 de abril. Neste senso, Rego espera que este ano se cumpran tódalas expectativas e que o número de visitantes siga estando en torno ós 20.000.

Novas relacionadas

• Camariñas abre cursos de Encaixe.
• A XX Mostra do Encaixe mira a Compostela.
• Cursos de encaixe nas parroquias de Muxía.
• A auga groumet de Cabreiroá vístese de encaixe.
• A Costa comeza a "xantar de vagar":
• 36 deseñadores noveis optan ao certame do Encaixe.
• Escoitando ás palilleiras e o liño.
• A cara máis sensual do encaixe de Camariñas.

Fonte

• Nota de prensa do PP de Camariñas.