Varias novidades saen hoxe no tocante á Muller Camariñá.

I Premio “Muller pola Igualdade”

Xa veíamos a semana pasada a iniciativa do I Premio “Muller pola Igualdade” 2010 de Camariñas, artellada Asociación de Mulleres de Camariñas pola Igualdade. Pois a asociación informa de que se amplía o prazo para presentar candidaturas xa que das 23 presentadas, tan só hai 12 que cumplan as bases.

Quere con esta prórroga a asociación que se presenten máis nominacións para cubrir un espectro representativo da sociedade femenina camariñá, que consta dunhas 3100 mulleres. Así a asociación decidíu abrir unha prórroga das nominacións e facer unha campaña informativa do premio máis profunda para motivar á xente a que nomine. O prazo amplíase pois do 8 de marzo ao 5 de abril deste 2010.

As bases seguen estando na rede, a través das webs camariñas Que pasa en Camelle, Camarinas.eu e Diario Camariñán.

Actividades do concello

Paralelamente, a Área de Igualdade do Concello de Camariñas artella o seu programa de actividades co gallo do Día da Muller Traballadora do 8 de marzo.

Curso práctivo de xestión de asociación (10h.)

O curso comezou o día 23 de febreiro e será eminentemente práctico. Trataranse nocións básicas de creación e lexislación de entidades, confección de proxectos e solicitude de subvencións, conceptos contables na xestión de entidades sen ánimo de lucro…
O obxectivo desta acción formativa é dotar ás persoas integrantes de entidades asociativas das ferramentas necesarias para levar a cabo a xestión da mesma.

Xornada de Clausura do curso de Corresponsabilidade para homes

Cociña, coa presenza de ANTONIO GARCIA presidente da ASOCIACIÓN DE HOMES POLA IGUALDADE DE MÁLAGA (AHIGE): A primeira pretensión coa presenza de Antonio é promover o cambio nos homes a posicións favorables a igualdade, apoiándoos neste proceso. Este será un beneficio para o conxunto da nosa sociedade.

Concurso "Un slogan para a igualdade"

Destinado ap alumnado de primeiro ciclo do IES Pedra da Aguía de Ponte do Porto (xuntamos as bases).

Campaña divulgativa en prol da igualdade

O Concello abre unha campaña divulgativa en prol da igualdalde de oportunidades e para a eliminación de tódalas formas de discriminación cara as mulleres, que será por medio de reparto entre a cidadanía camariñá de unha colección de marcapáxinas relativas a tódolos programas que se realizaron e se realizan na Área da Igualdade dende que os seus comezos.

Novas relacionadas

• Camariñas elixe á súa Muller.
• Camariñas elixe as imaxes da igualdade.
• Camariñas Implícase con exposición e monólogo.
• Camariñas loita contra o Fermento do silencio.
• Camariñas apúntase aos obradoiros de igualdade.
• As placeiras de Camariñas participan na remodelación do Mercado.
• I Maratón Fotográfico Implícate: As fotografías da non violencia.

Máis novas

Fonte

• Notas de prensa da Asociación de Mulleres de Camariñas pola Igualdade e mais da Área de Igualdade do Concello de Camariñas.