Non paran en Cerqueda de artellar iniciativas e festas. Despois do cocido-baile que disfrutaron haii un par de semanas, a Asociación Cultural Raigañas de Cerqueda xa está pensando na V Foliada de Cerqueda. Unha Foliada na que o pobo é o protagonista, abaixo e arriba do escenario, como ocorría o ano pasado.

A cita será este vindeiro sábado 27 de marzo. Este ano amenizará a festa o grupo de música tradicional “Tombalobos Orquestra”, e por suposto o palco estará accesible para todas aqueles grupos ou persoas que queiran subir a tocar e cantar. Aló polas 3-3.30 da mañá darán paso ó showman “Pixitas de Muxía” que deleitará coas súas versións da música actual e farán pasar un anaco divertido.

E por suposto, non faltarán a empanada, os callos, a tarta larpeira e o viño do país. A festa está asegurada, así que NON FALTEDES!.

Fonte

• O Baile Nerio de Corcubión levou o primeiro premio na Ponte do Porto.
• Avelino Queiro toma o relevo na A.VV. Monte d´Arxa de Cerqueda.
• IV Foliada de Cerqueda: Festa rachada na Foliada de Cerqueda.
• A bitácora da semana (XLV): A bitácora da Asociación Cultural Raigañas.

Fonte

• Nota de prensa da Asociación Cultural Raigañas de Cerqueda.