|
Un lugar milenario e mítico da nosa bisbarra pode ser destruído. E todo pola creación dunha nova canteira trala realización de varias promesas en clave de "postos de traballo", que xa sabemos que por aquí en canto estas 3 verbas saen a xogar medio camiño está feto. Falamos dos Penedos de Traba e Pasarela, un lugar onde as rochas parecen estar colocadas por un xigante que xogaba ao Lego, neste caso e como din nas camisetas ao "Ga _lego". Unha paraxe, en definitiva, imposible de atopar por aí e que deberíamos coidar como outro tesouro máis. Alegacións contra a canteira O BNG, a asociación Adiante Soneira e a asociación ecoloxista PX e unha plataforma de veciños de Pasarela presentaron no Concello de Vimianzo alegación contra a creación dunha explotación mineira ao aire libre. Os veciños xuntaron máis de 100 firmas que non queren ter en fronte da casa unhas instalacións deste tipo, e máis cando agora teñen ese paraxe natural de tanta beleza. O BNG lembraba que o Parlamento galego aprobaba en marzo do 2006 unha proposta para declarar a zona como Monumento Natural, e a canteira destrozaría o entorno e mesmo a lagoa de Traba, outro lugar de interese comunitario. Os veciños non queren que se reduza a súa calidade de vida A plataforma de veciños aseguraba que a canteira causará moitos prexuízos na calidade de vida dos veciños de Pasarela debido ao proceso de dextracción de granito a menos de mil metros das casas, coa xeración de contaminación do ambiente e das augas, coa contaminación do aire coas partículas de po, coa contaminación acústica co paso de vehículos pesados. 313.000 metros cúbicos de granito para extraer A empresa Extracción y Transformación de Granito S.L. ten un previo acordo coas administracións para a expltación de máis de 52.000 metros cadrados, dos que 35.000 serían os da explotación de granito. 27 anos é o tempo de concesión que tería a empresa para extraer 313.000 metros cúbicos destes preciosos penedos, sendo a metade de todo o granito que hai na zona. Novas relacionadas Fonte
|
Semente RSS