Esta semana, o recuncho da Costa sérvenos de paso para reivindicar un pouco o noso patrimonio. Vendo esta imaxe, semella impensable que sexa posible privarnos a todos de tal espectáculo natural. Pero nesta bisbarra pode pasar de todo.

O beneficio económico dunha soa empresa pode conseguir privarnos durantes décadas dunha riqueza natural de incalculable valor. Xa non é só o feito de ser a única caída de auga de río que remata directamente no mar, senón que o seu valor turístico non ten cancelas. Pero semella máis importante o beneficio económico do sector privado.

O encoro situado xusto enriba da fervenza, alén dos outros catro que a empresa de Villar Mir controla no curso do río Xallas, fan que a fervenza só se abra os festivos, e parece que habemos dicir gracias, ademais. O aproveitamento hidroeléctrico do encoro déixanos nesta marabillosa paraxe un par de tubos grises enormes trepando pola cara contraria á fervenza, devaluando a incomparable beleza do lugar. Polo mennos, xa podía camuflalos un pouco.

Como chegar

Ézaro atópase entre Cee e Carnota pola estrada da Costa. Saíndo dende Cee cara o sur pola costa, pasamos Ameixenda e Gures e pronto entramos no concello de Dumbría. Así, unha vez na vila do Ézaro antes de chegar á ponte collemos un desvío á esquerda. Dende alí, na preciosa lagoa, podemos deixar o cohce e achegarnos á fervenza, que está acondicionada cunhas estruturas de madeira para disfrutar da caída das augas, cando as hai.

Outra opción de obrigaod cumprimento é subi ao Mirador do Ézaro. Dende a propia lagoa, hai unha pista asfaltada e sinalada cara o cumio, cara o Mirador do Ézaro. Dende alí temos unha vista indescriptible, coa fervenza aló embaixo, o curso seco do río, a lagoa e Fisterra alá enfronte, fan dunha posta de sol, un momento inolvidable.

Horarios para contemplar a fervenza

• Entre o 21 de xuño e 21 de setembro:
  Sábados, pola noite, con iluminación de 23:00 e as 23:30 h.
  Domingos de 12:00 a 14:00 h.
• Días especiais (de 12:00 a 14:00):
  Abril: Venres, Sábado e Domingo da Semana Santa.
  Maio, día 1.
  Xuño, día 24.
  Agosto, día 15.
  Outubro, día 12.
  Novembro, día 1.

Máis información

• Rios-galegos.es: Libertade para a Fervenza do Ézaro.

Novas relacionadas

• O recuncho da Costa (I): Corcubión.
• O recuncho da Costa (II): As fervenzas de Trasufre.
• O recuncho da Costa (III): As praias do Trece e o Monte Branco.
• O recuncho da Costa (IV): O Monte Facho.

Fonte

• Fotografía de Pablo Javier Damonte Rodríguez: Flckr El sur se mueve.
• Redacción de Que pasa na Costa.