|
Tras 5 anos nos que semellaba que o patrimonio de Manfred Gnädinger só eran catro touladas dun anacoreta, as administracións dan un paso cara a recuperación dun tesouro de incalculable valor. A verdade é que Man non era un artista ao uso, mais é certo que durante a súa vida foi un incomprendido e non ovaloramos tal e como tivéramos debido. Tan só certas amigas do seu Camelle entendérono e valorárono, como foi o caso de Chita, amiga do alemán. 
Este pasado sábado 17 de novembro de 2007 celebrábase o I Encontro Man de Camelle, evento encadrado nunha estratexia do Concello de Camariñas para recuperar o patrimonio do artista. A creación da Centro Cultural da Casa do Alemán (un edificio, o da imaxe da dereita, grande e gris á beira do peirao, que se cadra non sería o que máis desexaría o propio Man) e a Fundación Man de Camelle, encarrexada da recuperación das obras e xestión, promoción e desenvolvemento do museo que será aprobada case con toda seguridade no pleno da semana que ven, son varias das iniciativas que o concello realiza. Ao Encontro acodiron personaxes tan míticos coma Suso de Toro, Antón Sobral, un dos impulsores e artífices da iniciativa ou Bernardo Ceguera, o artífice do documental Man, o alemán de Camelle que foi emitida pola TVG o mesmo sábado. Achados novas fotografías e anotacións As rapazas que traballan na recuperación e clasificación do patrimonio de Man, atoparon o pasado sábado, debaixo dunhas táboas, ben escondidiño unha morea de fotografías, negativos, debuxos, libros de arte e filososfía, utensilos para pintar, cartas e mesmo unha caixiña con pequenas figuras de plástico. Os veciños contra o Plan Acuícola Mentres o Encontro se desenvolvía, as rúas do peirao de Camelle escoitaban os cánticos de protesta de varia decenas de veciños que se manifestaban contra a implantación dunha piscifactoría na zona de Xandriña, xusto en fronte de Camelle. O alcalde de Camariñas, Manuel V. Alonso de León, baixaba a falar cos manifestantes cando se producía un intercambio de pareceres algo subido de tono. pero a cousa non foi a máis. Os manisfestantes disolvíanse sen disturbios, pero a protesta queda aí ben clariña. E non son catro tolos os que andas a protestar contra o Plan Acuícola. Máis información Novas relacionadas Fonte
|
Semente RSS