Esta fin de semana imos ata os concellos de Vimianzo e de Laxe para disfrutar dun lugar insólito. A rochas semellan colocadas polo gusto estético dun Manfred xigante, e apiladiñas unhas a cabalo doutras, o tetris formado permítenos disfrutar dun lugar de ensoño, imposible de atopar en ningún outro lugar.

Estas zonas graníticas, coma o monte Pindo, son dunha extraordinaria beleza, ao carón deses bosques de colitros e desas zonas de monte baixo. Pero tamén andan en perigo. Unha canteira na parte de Pasarela (Vimianzo) ameaza a paraxe.

A empresa que pretende montar a explotación ao aire libre xa ofertou aos veciños mesmo formar parte do accionariado da empresa, algo que pode soar moi apetecible pero suporía a destrución total dun sitio de extraordinaria peculiaridade debido á súa diversidade xeomórfica.

 Como chegar

 Vindo cara Fisterra pola nacional AC-552 dende Carballo, ao pasar Baio e antes de chegar a Vimianzo, collemos un desvio cara a dereita no km. 63 que sinala cara Pasarela. Seguimos cara a costa e cedo aparece outro cartel cara Pasarela, entramos na pequena vila e ao deixármola atrás xa quedan os penedos a man esquerda. En calquera lado podemos deixar o coche a a escalar e a disfrutar das extranas formas que a natureza nos amosa.

Novas relacionadas

• Editorial: Cal È o desenvolvemento que queremos para a nosa bisbarra?.
• A canteira de Pasarela tenta mercar aos veciÒos.
• A canteira dos Penedos de Pasarela no punto de mira.
• O recuncho da Costa (V): A fervenza do …zaro.
• O recuncho da Costa (IV): O Monte Facho.
• O recuncho da Costa (III): As praias do Trece e o Monte Branco.
• O recuncho da Costa (II): As fervenzas de Trasufre.
• O recuncho da Costa (I): CorcubiÛn.

Fonte

• Redacción de Que pasa na Costa.